【泰國求醫】「泰國通」胡慧沖分享泰國醫院「通波仔」 埋單價錢平香港一半

「泰國通」胡慧沖在社交平台分享自己在泰國醫院「通波仔」手術的經歷。出院後，他大讚泰國醫院服務理想，價格更至少平香港一平！還向有意赴泰就醫的港人提供了幾個貼士，大家齊來參考參考吧！

胡慧沖長年在泰國拍飲食節目，由於經常「暴飲暴食」，所以早前做身體檢查就發現多條心血管有阻塞，而需要接受「通波仔」手術。 

胡慧沖指自己已多次接受該位心臟科醫生診斷， 「護士間唔中就嚟關心我情況，有要求都可以隨時向護士求助，朝早又送早餐連牙膏都幫我『唧』埋，出院又幫我拎行李送落樓搭車，服務真係酒店一樣。」，「感受到醫生護士真係好體貼，同埋係為病人好！」。

胡慧沖直言該院雖然非國際一級大醫院，但至少亦是具質素的私家醫院。他還對醫院環境配套讚不絕口，包括私家病房夠寧靜和私隱度高等等，更說留院期間可以照常上網用電腦，「好似去咗Coffee Shop咁」。 

令他更加驚喜的是，「如果喺香港私家醫院做通波仔，瞓一萬至少都要十幾二十萬，喺泰國價錢平至少一半，重要係醫療保險有得Claim。」

雖然，胡慧沖介紹的泰國醫院一切都美好，不過他亦坦言對一般港人而言，到泰國說醫未必是最佳選擇，主要是溝通問題。最後，胡慧沖提出3個貼士供大家參考：

1.挑選國際化醫院，病人較容易以英文與醫生護士溝通

2.曼谷地區塞車情況普遍，不宜挑選離住宿地點太遠的醫院

3.留意醫院配套，部分可代為處理簽證問題，甚至提供上門診症服務

圖片及資料來源：胡慧沖遊泰國@YouTube、胡慧沖@Facebook
製圖/文字：HealthConcept