【全城集氣】信信接受通血管手術 媽媽陪住瞓著打氣

今年2歲的早產男童「信信」，在2個半月大時出現肝臟纖維化，及後幸得有心人捐肝，完成器官移植手術得以續命。去年12月，信信媽媽突然發文，指信信因不明原因出現「屙鮮血」症狀，後來留院接受檢查至本月初，終可出院回家。

信信媽媽昨日發文透露，信信將接受通血管手術，並在日前已提早入院抽血。她鼓勵兒子指，「媽媽知道你好驚仔……但都依然好努力……落去手術室都好淡定……冇扭計。等到媽媽來送你入手術室親自抱你過床陪到你瞓著幫你打氣，加油加油！」、「你仲有好多fans仔為你加油打氣等緊你出來。今次一定可以順順利利再闖一關！」

去年12月信信媽媽曾在社交媒體上發文，表示信信突然出現血便，由於一直未能止血，除了要照胃鏡、腸鏡，更要進行輸血。媽媽指出，「照完胃鏡腸鏡，目前留Nicu觀察病情！照得到嘅位醫生都照左。搵唔到有出血點……唔係胃唔係大腸出血……最大可能性係照唔到嘅小腸」。

消息來源：facebook專頁「救救小心 - 肝」
製圖／文字：Health Concept