【抗癌7年】港排球女將完成骨髓移植 順利出院回家休養

抗癌7年的香港前甲組女子排球員劉韵琳 (Harriet)，去年確診AML急性骨髓性白血病（俗稱血癌），需尋找到合適骨髓移植。約7個月過去了，近日 Harriet 在社交平台上公布已完成骨髓移植，並可出院回家休養。

Harriet 在IG上表示，「我已經完成骨髓移植啦」，又去年確診血癌時，「對於突然病情惡化，然後知道家人無全吻合骨髓可以同我配對到我實在很焦急，好快就出post希望大家捐贈骨髓。最後得到好多人的鼓勵和支持，仲有好多坐言起行嘅有心人士立即去登記！我真心好感激你地，當下無論有無配對成功，呢份心意絕對係抗癌路上打咗支強心針！」

「慶幸嘅係，真係有奇蹟發生，真係有適合嘅捐贈者！而且足足有四個咁多！當然有分佈不同地區的人，而香港佔了一席位！當下我有幾興奮和感動或許文字表達唔到，但我很想多謝你地每一位，因為真係可能你就係我嘅幸運兒，非常感謝！」

她續指，醫生決定用弟弟一半吻合的骨髓與她進行「半相合造血幹細胞移植」，因為「認為雖則得一半吻合，但始終有血緣關係，排斥機會同非血緣全吻合的捐贈者差唔多，可能更少，所以最後選用了家人的。而呢項技術已經係香港用左好幾年，但之前因為我對呢個病嘅治療方法未係全部都好清楚，所以我以為全吻合骨髓先合適使用。直至上年11月初先知將會做『半相合』，後尾誤打誤撞俾我發現有合適的非血緣捐贈者四個咁多」。

Harriet 在7年前被診斷患有慢性骨髓性白血病（CML），期間一直以標靶藥控制病情，但至去年7月底病情突然惡化，進行檢查後確診急性骨髓性白血病（AML）。

消息來源：劉韵琳 instagram

製圖／文字：Health Concept