【堅持集氣】早產嬰悅悅全身出血危急 父母被批評堅持令悅悅受苦

一直被網民關注、出世時患有壞死性腸炎的早產嬰悅悅，現時1歲已經歷了4次手術，情況一直未見特別好轉。而昨日，父母在社交專頁發布壞消息，表示「悅悅情況緊急轉差，突然間全身都有出血地方。醫生話未必捱到」。即使大部份網民回應為悅悅集氣，等待奇蹟，但亦有網民批評悅悅父母自私，一直不肯放手而令小嬰兒受病痛折磨。

昨晚，悅悅父母再度發文回應有關自私的批評，重點表示只要悅悅一日未離開，都相信她會想繼續堅持。帖文中父母抒發：「病冇人會想，成功嘅過程係好辛苦，我既睇法係如果未盡力就已經放棄，你既人生真係好可悲」而當然，父母亦有與醫生討論得出共識，不會讓悅悅太辛苦地堅持，盡量讓她舒服。

悅悅父母亦反問批評者：「假設如果當初我地因為第一次發生發炎情況，已經選擇唔做手術比悅悅離開，咁係咪代表住我地唔自私？係一個好大愛好為小朋友著想既家長? 

又假設如果我決定比悅悅機會一次又一次咁捱過，最後好返，將來既生活係多姿多彩，咁你又會唔會覺得我當初既決定係自私 ?」

消息來源：悅悅FB社交專頁
製圖／文字：Health Concept