【病情惡化】早產嬰信信再入ICU 手術後橫膈膜未自我修復

25周早產、現時1歲的男嬰「信信」病情轉差，兩日前在醫生落奶時突然濁親，血氧量跌至60多，人體正常含氧量為90%以上，現須轉入「NICU」新生兒深切治療部。醫生解釋情況，信信接受換肝手術後，身體內的器官需要時間適應及恢復，然而信信的橫膈膜狀況比正常升高，至今仍未回落，導致肺部受壓，阻礙吸氣後漲起。

信信如今需要用「豬鼻」吸入純氧氣，希望能泵漲肺部。醫生進一步指出，信信接下來或須再接受手術，以糾正橫膈膜，進而解決進食問題，醫生並要求父母考慮為信信開「胃造口」。對於面對再次手術的可能，信信媽媽表示非常不忍心：「你條氣一日甩唔到，都唔可以處理你口食既問題。處理唔到就可能要再接落去，要捱刀開胃造口…呢兩個都係手術…雖然你好堅強…但媽媽都係唔忍心要見到你再捱每一刀…」

25周早產男嬰「信信」出世後2個半月被證實肝纖維化，急需換肝續命，幸得善心叔叔捐肝，在今年2月成功進行換肝。信信接受換肝手術後至今2個月多。

消息來源：Facebook 專頁「救救小心 – 肝」
製圖／文字：Health Concept