【姜濤祝福】姜濤親自錄音打氣 慰問6歲植物人女童天瑜

上周五，天瑜爸爸在社交專頁「天瑜醫療事故關注組」上載了一段女兒聽著《蒙著嘴說愛你》的片段，表示天瑜聽歌同時，有眨眼及輕輕哼歌動作，令天瑜爸爸心情激動。昨晚歌手姜濤得悉消息後，在IG限時動態親自對天瑜及天瑜爸爸送上慰問，更Whatsapp傳送錄音訊息予他，說：「你幫我同天瑜講，姜濤哥哥要佢快啲好返，加油！我會好好關注佢。」

此舉令到天瑜爸爸大讚姜濤：

「除了感恩，還是感恩，姜濤先生不單拍片為天瑜打氣，更親自發訊息給我，能跟本尊對話是萬分榮幸，感謝這位謙卑和善良的年青人，香港需要你為我們帶來更多正能量，請繼續加油！」

而姜濤在IG限時動態自拍的內容，與傳送予天瑜爸爸的音訊內容相似：

「Hello天瑜爸爸，我係姜濤。我喺網上知道咗天瑜嘅消息，亦都真係覺得好希望你哋一定要加油！

我唔知我可以幫到你哋嘅乜嘢，但係我都知道爸爸希望多啲人知道天瑜嘅事情。

其實我好想嚟睇下天瑜、探下佢。聽晒天瑜爸爸嘅訪問、一啲關於你哋嘅新聞，如果可以幫到你嘅話，我都真係冇做啲乜嘢，純粹真心地想同你哋打氣、鼓勵。希望疫情好番，醫院可以探病的話，你就同我講，我都會同公司講，如果OK我都想過嚟。」

消息來源：天瑜醫療事故關注組
製圖／文字：Health Concept